सगर वंशीय जिरे माळी समाजातील समाजधुरीणांनी समाजातील तळागाळातील विद्यार्थ्यांना शैक्षणिक सुविधा मिळण्याच्या हेतूने २१ मार्च १९६७ रोजी सगर विद्या प्रसारक शिक्षण संस्था सिन्नर या संस्थेची स्थापना केली आणि खर्‍या अर्थाने सिन्नर शहरात शैक्षणिक कार्य सुरू झाले. पाहतापाहता या रोपट्याचे वटवृक्षात रूपांतर झाले.

          संस्थेने जून १९६८ रोजी महात्मा ज्योतिबा फुले माध्यमिक विद्यालयाचा इ. ८ वीचा वर्ग भद्रकाली मंदिर, लोंढे गल्ली येथे सुरू केला. विद्यार्थ्यांच्या वाढत्या शैक्षणिक गरजा लक्षात घेता संस्थेने स्वतःच्या जागेत विविध भौतिक सुविधांसह भव्य इमारतीत जून १९९० मध्ये महात्मा ज्योतिबा फुले उच्च माध्यमिक विभाग (कनिष्ठ महाविद्यालय) जून १९९१ मध्ये सावित्रीबाई फुले प्राथमिक विद्या मंदिर, ऑगस्ट १९९३ किमान कौशल्य व्यावसायिक अभ्यासक्रम, ११ जुलै १९९७ मध्ये दुरशिक्षण अभ्यासकेंद्र यशवंतराव चव्हाण महाराष्ट्र मुक्त विद्यापीठ, नाशिक सुरू केले. आज जावळपास ५ हजार पेक्षा जास्त विद्यार्थी या शैक्षणिक संकुलात शिक्षण घेत आहेत. अधिक वाचा